ബാല്യം

സ്വപ്‌നങ്ങൾ തൻ തോണിയിലേറി 
 പോകാം നമുക്കൊരു യാത്ര 
 ദൂരെ വിദൂരമാം ഭാവിയിലേക്കല്ല 
 പൊഴിഞ്ഞു പോയോരാ ബാല്യത്തിലേക്ക് 


 തൊടിയിലെ തുമ്പയും മുക്കൂറ്റിയും 
 കൊഞ്ചി കളിപ്പിച്ച കാലം 
 തോട്ടിലെ പരലിനെ 
 പാവാട തുമ്പാൽ കൊരിയെടുത്തൊരു കാലം 

ചക്കര മാവിന്റെ തുമ്പത്തെ മാങ്ങക്കായ്‌ 
കല്ലോന്നെടുത്തെറിഞ്ഞതും 
ചാറ്റൽ മഴയത്ത് ഇടവഴിയോരത്ത് 
കാറ്റിനോടൊപ്പം ഓടിനടന്നതും 


ഓണത്തിനൊന്നിച്ചു പൂക്കളം തീർക്കുവാൻ 
പൂവുകൾ തേടി നടന്ന കാലം 
പാടത്തെ ചേറിൽ പാവടതുംബിനാൽ 
ചിത്രങ്ങൾ ഓരോന്നു തീർത്ത കാലം 

കള്ളങ്ങൾ ഇല്ലാത്ത കാപട്യമില്ലാത്ത 
കരളു നിറഞ്ഞു സ്നേഹിച്ച കാലം 
ഇന്നലെ പോയ്‌ മറഞ്ഞൊരു 
എത്രയോ സുന്ദര സ്വപ്ന കാലം 


വീണ്ടും വരാനായ് വെറുതെ കൊതിക്കുന്ന 
ഇനി വരാത്തോരെൻ ബാല്യകാലം........