പടിയിറങ്ങും നേരം ചുവടിടറാതെ
മിഴിനിറയാതെ മൊഴി ചിലമ്പാതെ
ഹൃദയം നോവിൻ തുടിപ്പാകാതെ
കാലുഷ്യമില്ലാതെ വദനം കറുക്കാതെ
സ്നേഹം നിറയും മാനമോടെ
നിത്യമുള്ളിൽ സൗഹൃദത്തോടെ
വിടപറയും നേരം വിതുമ്പലുകളില്ലാതെ
ഈ പാതയിൽ വീണ്ടും തുടരുമീ യാത്ര
പുതിയൊരു വീഥിയിലേക്കിന്ന്
പുതുപ്രതീക്ഷയിലേക്കല്ലോ
കൂടെ നിന്ന മനസുകളെ മറവിയിൽ മായ്ച്ചിടാതെ
ഒരു ചെറു പുഞ്ചിരിയാൽ ഓർക്കുക വല്ലപ്പോഴും..
No comments:
Post a Comment