പുതിയോരുദയം

മിഴികളിൽ ഉതിരുന്ന നീർകണങ്ങൾ 
ഉരുകുന്ന മനസിന്റെ മണിമുത്തുകൾ 
അടർന്നിന്നു വീണിട്ടും 
അറിയാതെ പോയതെന്ത്യേ .........

മനസ്സിൽ വിടരുന്ന 
നിറമുള്ളോരോർമകൾ 
ഒരു നിഴലായ് മറഞ്ഞങ്ങു പോയിട്ടും 
വിതുമ്പാതെ നിൽക്കുന്നു ഹൃദയം 

വിടർന്നിടുന്ന സ്വപ്ന മുകുളങ്ങളെല്ലാം 
ഇതളുകൾ മെല്ലെ അടർത്തിടുമ്പോഴും  
കാണുന്നു ദൂരെ എവിടെയോ 
ഒരു പ്രതീക്ഷതൻ തിരിനാളം 

ഇരുളും രാവിനും അപ്പുറം 
പുതിയൊരു സൂര്യോദയത്തിനായ് 
ഒരു പുത്തനുണർവിനായ് 
കാത്തിരിക്കാം ..........
 ഇനിയൊരു നാളേക്കായ് .......