ഉരുകുന്നു സുന്ദരമീ ഭൂമിയും

ദൂരെ ചക്രവാളത്തിൽ മറയുന്ന സൂര്യൻ 
പാറി പറന്നിടുന്നു കിളികൾ 
ഇനിയും വരാത്തൊരു രാവിനു കൂട്ടായ് 
നിറ ചന്ദ്രിക മാനത്ത് വിടരുന്നു 
              ഒരു കുളിർ ചാറ്റലും കുഞ്ഞിളം കാറ്റും 
              നിലാവിൻ കുളിർമയും മൂടുന്നു ഭൂമിയെ  
              എത്ര സുന്ദരം ഈ ഓർമകൾ 
              ഇനിയും കാണാൻ കൊതിക്കുന്നുവൊ 
ഇരുളിൽ മറഞ്ഞു പൊയിന്നെൻ സൂര്യനും 
കാണാതെങ്ങൊ പറന്നകന്നോരാ കിളികളും 
രാവിൽ തെളിയാതെ മറയുന്ന ചന്ദ്രനും 
കാറ്റില്ല കുളിരില്ല കുളിരും നിലാവില്ല 
           മിഴിയിലൂറുന്ന കണ്ണീരിൻ ചൂടിനാൽ 
           ഉരുകുന്നു സുന്ദരമീ ഭൂമിയും